Soltústik Karolına shtatyndaǵy ýnıversıtettiń zertteý toby 100 jyldan asa ýaqyt qoldanysta bolǵan baǵdarsham shemasyna ózgeris engizýdi usynyp otyr, dep habarlaıdy Egemen.kz.
Osylaısha, avtonomdy basqarý júıesi bar mashınalar (robomobıl) damyp, olarǵa qozǵalysty retteý quqyǵyn berýge múmkindik týyp otyr.
«Qyzyl, sary jáne jasyl tústiń janyna aq tús qosylady. Bul sıgnal – qıylystaǵy qozǵalysty sol jerde júrgen avtonomdy avtomobıl retteıtinin bildiredi. Al júrgizýshiler osy kóliktiń sońynan erip júrýge tıis», dep jazdy Carscoops.
Zertteýshiler ár mashınadaǵy jasandy ıntellekt bir-birimen lezde derek almasyp, qozǵalysty dástúrli baǵdarshammen salystyrǵanda áldeqaıda tıimdi retteı alatynyn habarlaǵan.
Alaıda aq tústi baǵdarsham sıgnaly taıaý ýaqytta paıda bolmaıdy. Ol úshin avtonomdy avtomobıl sany qarapaıym kóliktermen teńesip, jol ınfraqurylymy «aqyldy» deńgeıge jetýi qajet.